منتدي ابناء ودعجبنا الثقافي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدي ابناء ودعجبنا الثقافي

اخبار منطقة ود عجبنا واخبار ابناء ودعجبنا بالخارج


    بقول غنوات - الهرم (محمد طه القدال)

    aldabi
    aldabi


    عدد المساهمات : 41
    تاريخ التسجيل : 03/04/2010
    العمر : 41
    الموقع : King Saudia Arabia

    بقول غنوات - الهرم (محمد طه القدال) Empty بقول غنوات - الهرم (محمد طه القدال)

    مُساهمة  aldabi السبت نوفمبر 13, 2010 2:15 am

    بقول غنوات - الهرم (محمد طه القدال)


    بقول غنوات .. واقول غنوات
    فى البلد البسير جنياتها لى قدام ..
    وفى الولد البتل ضرعاتو فى العرضة
    ويطير فى الدارة صقرية ..
    ولو السمحة تلت إيد
    ومدت جيد يقوم شايلاه هاشمية
    يشيل شبالو وختفة ريد وفرحة عيد ..
    وريدة روح وحمرة عين وإيدية
    وفى الولد البشيل مدقاقتو قولة خير على القمرة
    يقابل الجاية متحزم ويدارك الجاية متلزم
    كلام فاسك على أرضك
    يبقى عديلة يا بيضا
    ويبقى زفاف تزغرد ليه قمرية
    و قبال حول تغيم غيمة قبلية
    ترش الدارة والحدبة الصعيد الحلة
    يا فرحه بتطارد الصفقة فى النسمة الصعيدية
    وياجهرة نهار الليلة بدرية
    رحيح جنياتنا فى
    الحدبة الصعيد الحلة
    يا قمحاتنا هو لبلب ...
    يا سمحاتنا هو لبلب
    و يا اللوز الفتق فى الوادى هو لبلب
    ويا البحر الطمح مدادى هو لبلب ..
    ويا حجواتنا يا دعواتنا هو لبلب
    سألتك بالذى ركز الأرض معبد
    وسوى الناس عليها مقام
    سألتك بى حجا الأمات ودعواتنا ..
    سألتك بى كبيداتن و دمعاتنا
    شليل وين راح ..
    يكون ضل الخريف فاتنا
    وشليل وين راح
    وزى برق السماك الجابها دغشية
    وزى زغرودة البطن الكبارية
    مرق من شامة القمرة
    مهيقت بى وداعة الله
    ومقدم بالعديل يبرا
    تعالوا ابشروا ياجنيات
    شليل ما راح .. شليل ما فات
    شليل عند المسورو حرق بقالو حصاد
    شليل فوق التقانت قام خدار وبلاد
    شليل مشوار.. شليل مسدار
    شليلنا أرضنا يا جنيات
    شليل قائم نصاصي الليل
    يتمتم ليلو وردية
    حرازنا شليل .. شليلنا دليب
    شليلنا دليل على البلدات بعد درب التبلدية
    شليل ما راح .. شليل ما فات
    مزارع بات على عشقين
    تراب بلدو وسماح فوق بت مزارعية
    وبقول غنوات

    تقديري واحترامي

      مواضيع مماثلة

      -

      الوقت/التاريخ الآن هو الثلاثاء مارس 19, 2024 2:51 am